गीत/ग़ज़ल
नवीन हलदूणवी
नोट्टां नैं म्हौल बगाड़ीत्ता ,
धरतू दा पारा चाढ़ीत्ता।
ठुणियें हे मौज़ां लुट्टा दे ,
गुणियां जो खूब लताड़ीत्ता ।
दो नंबर ब्हाल़े बोल्ला दे ,
सच्चे जो सूल़ी चाढ़ीत्ता ।
हुण झूठोझूठ गलाई नैं ,
भगतां दा जिगरा साड़ीत्ता ।
भारत दे कम्मैं आए नीं ,
चुट्टां नैं देस जुआड़ीत्ता ।
के बणग “नवीन” गरीबे दा ,
लोक्कां नैं झग्गू फाड़ीत्ता ?
नवीन हलदूणवी
0948846773
काव्य-कुंज जसूर-176201,
जिला कांगड़ा , हिमाचल ।
http://www.bharatkakhajana.com/category/देशभक्ति/ashish_behal_poetry/पहाड़ी-कविता/
