जित्थू बोटर ढिल्लमढिल्ले/नवीन हलदूणवी

नवीन हलदूणवी

जित्थू बोटर ढिल्लमढिल्ले ,
सुख-सुवधा तां किंह्यां मिल्ले ?

बरखा न्हस्सै पाप बधी जा ,
खेत्तर-खब्बड़ खिल्लमखिल्ले l

अज्ज चबक्खैं लुट्टा करदे ,
पुट्ठपल्लड़े बाघड़ बिल्ले l

किंह्यां करियै खिचड़ी पक्कग ,
छोई टांडू गिल्लमगिल्ले l

देस सिओआ करने ब्हाल़े ,
भगत वचारे किल्लमकिल्ले l

हुण नीं दाल़ ‘नवीन’ गल़ा दी ,
सब्बो तोप्पण अपणी पिल्ले ll

नवीन हलदूणवी
०९४१८८४६७७३
काव्य-कुंज जसूर-१७६२०१,
जिला कांगड़ा (हिमाचल) l

Leave a Reply

Your email address will not be published. Required fields are marked *