ग़ज़ल
ग़ैर बणी -नैं
डॉ.पीयूष गुलेरी
ग़ैर बणी -नैं, अपणे -ई ।
बुरियां गुज्झां मारा -दे ।।१।।
उपरैं दस्सी प्यार बड़ा ।
लूणां लाई ख़ारा -दे ।।२ ।।
प्यारे-प्यारे दोग्गू एह् ।
चौगुआं -जो- हन चारा -दे।।३।।-
बूज्जी नक , डुबाई -नैं ।
बोल्ला-दे ,___’ हन तारा -दे’।।४।।
अजकल माऊं-बब्बां -जो ।
कोsई-कोsई धारा – दे ।।५।।
अपणियां बारिया, मोए-सैह् ।
हण, हन लत्तां मारा -दे ।।६।।
लग्गै, केई आग्गू- ई ।
यारो, गंद खलारा-दे ।।७।।
अंदरो-अंदरी मार-देई ।
उंह्इयां बाह्र पतारा-दे ।।८।।
अपणे कैह्दे एह् अपणे ।
अपणे बुत्ते सारा -दे ।।९।।
अपणियां सिफ़तां करी -करी।
“पीयूषा” , नीं हारा -दे ।।१०।।
*************
अपर्णा-श्री हाऊसिंग बोर्ड कालोनी
चील गाड़ी धर्मशाला हिमाचल-प्रदेश
पिन १७६२१५
मो.९४१८०१७६६०
दू.भा. ०१८९२२२६२२४