ग़ज़ल
जे मिलै सैह खाणा पौंदा,
इह्यां ही दिल पतियाणा पौंदा।
बाजी तेले बल़ै न दीया,
तेल तां भाऊ पाणा पोंदा।
जेहड़ा पल्लैं टैम कट्टी लै,
इक दिन उप्पर जाणा पौंदा।
जितणा मर्जी मुहुँए धोयी लै,
शीशा आखिर चमकाणा पौंदा।
मूर्खां जो क्या समझाणा,
अपणा ह्रास कराणा पौंदा।
गैर नी बणदा कदि भी अपणा,
अपणा ही गलैं लगाणा पौंदा।
संस्कृतिया दे जेह्ड़े पुजारी,
तिन्न- गाँह सीस झुकाणा पौंदा।
साबुत राशन कोई नी खांदा,
जाई घराटें भ्याणा पौंदा।
बेथौई प्रीत कदि नी पाणी,
अपणा नास पुटाणा पौंदा।
चलदे फिरदे रिश्ते नी करने,
पैहलैं वयाह सधाणा पौंदा।
मंदरा बिच भगवान बिराजै,
विस्वास करी ने जाणा पौंदा।
पूजा पाठैं कुछ नी मिलदा,
मन तिस सौगी लाणा पौंदा।
निराश सब किछ तिन्नी करना,
सब तिसदें लेखैं लाणा पौंदा।
सुरेश भारद्वाज निराश😡
धौलाधार कलोनी लोअर बड़ोल
पी ओ दाड़ी, धर्मशाला हि प्र.
176057
मो० 9418823654
Bah bhardwaj ji baji telangana ni badla diya
अज वद्ल वरा दे ,धिरी आईयो घन्घोर
विजली चमका दी, वद्ल करा दे शोर ।
चिडू पखेरु दुवकी वैठे,भुक्खे भांणे,
चिल्मां पाई अग्ग, लगे सोचणां सियाणें ।
कुथी रुह्डा दे माह्णूं,कुथी घर घराट ,
चोह पास्सें पाणीं , वची नी कोई आस ।
सैलां दे टीमंरूआं ते, लगा टपकणां पाणी,
अंदर बाह्र इक होया, चुल्ह कुथु जगाणी?
कदी ऐह तपेरदा, कदी दिन्दा ठण्डेरी,
जे वरह्ना लगदा, चोंह पासे दिन्दां सेडी।
असां अडेयो उचिया वैठयो,पाणी थल्लें जांदा
जिनहां घरां पाणी वडिया,तिन्हांदा दुख सतांदा
डा.. कुशल कटोच