गीत/ नवीन हलदुणवी

गीत

बिशम्बर नवीन

भारत नीं होणा ऐं गुलाम मित्तरो,
कलाम दे कमाल जो सलाम मित्तरो।

गरीबुआं दी म्हेशा भलाई करियै,
बच्चेयां जो बंडै इनाम मित्तरो ।

देस्से ते बड्डा नीं कोई देवता ,
कम्म पूरे करी गे तमाम मित्तरो ।

मिलीजुली इत्थू दा वकास करी लै ,
देई गे सांति दा पैगाम मित्तरो ।

धर्म भाषा रंग-रूप केई जातियां ,
मनुक्खता नीं कीत्ती निलाम मित्तरो ।

तिन्हां ते ‘नवीन’कुण बड्डा आदमी ,
दुसमणीं दी कसीत्ती लगाम मित्तरो ।

बिशम्बर नवीन
09418846773
काव्य-कुंज जसूर-176201,
जिला कांगड़ा ,. हिमाचल l

2 comments

Leave a Reply

Your email address will not be published. Required fields are marked *