पहाड़ी बोली / नवीन हलदूणवी

नवीन हलदूणवी

वेस्हाबा भई घमचोल़ पौऐ ,
तां सांतिया दी परचोल़ पौऐ l

ताल्हू डूड मरोई जांदी ऐ ,
जदूं फोड़ू सिल़गै-डोल़ पौऐ l

पुट्ठपल्लड़ी बरखा के करहनी ,
जे नौर खुरै कनैं खोल़ पौऐ l

पता अप्पू चलै कमाइया दा ,
जदूं जम्मी पुट्ठ पडोल़ पौऐ l

ओह् समाज वचारा उजड़ी जा,
जे खौद्दल़ ते फुट्ट-रोल़ पौऐ l

कुण ‘नवीन’ तरक्किया जो रोक्कै ,
जदूं सिद्धी जे फटकोल़ पौऐ ll

नवीन हलदूणवी
09418846773